Llenyddiaeth mewn Theori: Cynhadledd Undydd

Cyfrol Newydd yn 2006

2005-10-28T00:25:00.000+01:00

1. Owen Thomas (gol.), Llenyddiaeth mewn Theori (Gwasg Prifysgol Cymru: Caerdydd, 2006)
Y mae LlenyddiaethmewnTheori bellach o dan ofal Gwasg Prifysgol Cymru, ac fe'i cyhoeddir fel
rhan o gyfres 'Y Meddwl a'r Dychymyg Cymreig' yn 2006.
Cafwyd adroddiad ffafriol dros ben i'r gyfrol gan y darllenydd a gellir darllen ei gynnwys drwy ymweld â www.owen-thomas.net
Ymhlith
y cyfranwyr i'r gyfrol hon y mae Angharad Price, Eleri James, Tudur
Hallam, Dylan Foster Evans, Simon Brooks, Llion Pryderi Roberts ac Owen
Thomas.

Dyddiad Cynhadledd Undydd Llenyddiaeth mewn Theori 2006

2005-09-27T14:01:00.000+01:00

Y dyddiad ar gyfer y gynhadledd nesaf fydd 25 MAWRTH 2006 ym Mhrifysgol Cymru, Llanbedr Pont Steffan.

Cynhadledd Undydd 2005

2005-04-03T11:49:00.000+01:00

Llawer o ddiolch i bawb a fynychodd y gynhadledd lwyddiannus iawn, ddydd Sadwrn, 2 Ebrill 2005. Edrychaf ymlaen at weld cyhoeddi'r gyfrol 'Llenyddiaeth mewn Theori' ac at y gynhadledd undydd y flwyddyn nesaf.

Pob hwyl,

Owen Thomas

Aled Llion Jones

2005-03-21T09:50:00.000Z

Y mae Aled Llion Jones wedi cytuno cyflwyno papur ar yr hengerdd
ddamcaniaethol yn y gynhadledd.

Yr Athro John Rowlands a Robert Rhys

2005-03-16T15:20:00.000Z

Y mae'n dda gennyf ddweud fod yr Athro John Rowlands, Adran y Gymraeg, Prifysgol Cymru, Bangor wedi cytuno cadeirio sesiwn y prynhawn yn y gynhadledd ac y mae Robert Rhys, Adran y Gymraeg, Prifysgol Cymru, Abertawe wedi cytuno cadeirio'r sesiwn cyn cinio.

Owen Thomas

Dr Dylan Foster Evans

2005-03-15T17:21:00.000Z

Gwaetha'r modd bydd Dr Dylan Foster Evans yn America yn ystod y
gynhadledd hon ond y mae wedi addo creu tâp fideo a fydd yn caniatáu
inni ei weld yn traddodi ei bapur ddydd Sadwrn, 2 Ebrill.

Owen Thomas

Llety ar gael

2004-12-20T22:22:00.000Z

Y mae llety ar gael ar gyfer cynadleddwyr ar nos Wener, 1 Ebrill 2005.

Am ragor o fanylion holwch Ann Jones: 01570 424 826

Papur Dr Simon Brooks

2004-12-20T16:42:00.000Z

Rwyf eisiau craffu ar syniad y theorïwr Ffrengig, Michel Foucault, o episteme.

Dadleua Foucault nad yw gwybodaeth yn gynnyrch di-duedd a naturiol. Mae pob cyfnod a chymdeithas yn creu rheolau anysgrifenedig sy’n diffinio pa fath o wybodaeth a grëir ac a ganiateir.

Ond pwy sy’n pennu’r math o wybodaeth a ganiateir mewn trafodaethau syniadol yng Nghymru? Ai’r Cymry eu hunain? Ynteu feddylwyr o Loegr?

Bydd y papur yn cynnwys astudiaeth o drafodaethau diweddar yn ymwneud â hil, hiliaeth a’r Gymraeg.

Dr Simon Brooks

2004-11-30T09:30:00.000Z

Y mae Dr Simon Brooks wedi cytuno cyfrannu i'r gynhadledd.

Bydd rhagor o fanylion am natur y pwnc a fydd dan sylw ganddo ar gael
yn y man.

Tudur Hallam yn derbyn y gwahoddiad i'r gynhadledd

2004-10-23T16:09:00.000+01:00

Y mae Tudur Hallam, darlithydd yn Adran y Gymraeg, Prifysgol Cymru,
Abertawe wedi cytuno rhoi papur a chyflwyno pennod i'r gyfrol,
'Llenyddiaeth mewn Theori'.

Ei bwnc fydd 'Cwmwl Haf' Waldo Williams, o safbwynt y darllenydd.

Llofruddiaeth ar yr Orient Express: T.H. Parry-Williams ac Edward Said

2004-10-21T17:16:00.000+01:00

Teitl papur Dr Angharad Price fydd 'Llofruddiaeth ar yr Orient Express:
T.H. Parry-Williams ac Edward Said.'

Papur Llion Pryderi Roberts: 'Dwyn ei genedl dan ganu': Llafaredd a pherfformiad ym meirniadaethau eisteddfodol John Morris–Jones

2004-10-13T11:23:00.000+01:00

'Dwyn ei genedl dan ganu': Llafaredd a pherfformiad ym meirniadaethau eisteddfodol John Morris–Jones.

Fy mwriad yn y papur yw cymryd golwg ar gorff o feirniadaethau JMJ ar gystadleuaeth y gadair yn yr Eisteddfod Genedlaethol ddechrau'r ugeinfed ganrif, gan ganolbwyntio ar drafod llenyddiaeth sydd bellach yn llenyddiaeth 'ysgrifenedig' yng nghyd-destun theorïau llafaredd a pherfformio (gan mai testunau oeddynt a berfformiwyd ar lafar yn wreiddiol).

Llion Pryderi Roberts
Cynorthwy-ydd Ymchwil
Ysgol y Gymraeg
Prifysgol Caerdydd

Dr Dylan Foster Evans yn derbyn gwahoddiad i draddodi darlith

2004-10-02T13:29:00.000+01:00

Y mae Dr Dylan Foster Evans, Adran y Gymraeg, Prifysgol Caerdydd wedi cytuno rhoi papur yn y gynhadledd. Bydd yn trafod y cywyddwyr o safbwynt theorïau ôl-drefedigaethol.

Lleoliad: Hen Neuadd y Coleg, Llanbedr Pont Steffan

2004-09-24T14:36:00.000+01:00

Lleoliad y gynhadledd undydd fydd Hen Neuadd y Coleg, Prifysgol Cymru,
Llanbedr Pont Steffan.

Dr Jerry Hunter

2004-09-22T16:38:00.000+01:00

Y mae Dr Jerry Hunter, Adran y Gymraeg, Prifysgol Cymru, Bangor wedi cynnig rhoi papur ar wedd ar fateroliaeth yn y gynhadledd.

Llion Pryderi Roberts

2004-09-21T21:35:00.000+01:00

Y mae Llion Pryderi Roberts, sy'n gweithio yn Adran y Gymraeg, Prifysgol Caerdydd wedi cytuno rhoi papur yn y gynhadledd.

Eleri James

2004-09-19T16:20:00.000+01:00

Y mae Eleri James, sydd yn ymchwilio i waith theoretig Bobi Jones, wedi cytuno rhoi papur yn y gynhadledd.

Dr Angharad Price

2004-09-19T16:18:00.000+01:00

Y mae Dr Angharad Price, Adran y Gymraeg, Prifysgol Caerdydd wedi cytuno rhoi papur yn y gynhadledd.

Croeso i 'Llenyddiaeth mewn Theori'

2004-09-19T15:37:00.000+01:00

Yma ceir manylion cynhadledd 'Llenyddiaeth mewn Theori' a gynhelir yn Llambed ar 2 Ebrill 2005.